“Trenament sut cundiziuns realas” a Cuschnaus

Duront treis dis la fin da settember porscha la GVG la pusseivladad da trenar sut cundiziuns realas (cun calira). Il liug da trenament ei il plaz da scola a Cuschnaus. Nus supplichein da far diever da quella buna caschun e frequentar quei exercezi tenor plan aschuntau. Midadas da termin ein pusseivlas en discuors cul commando.

Cheu anfleis vus il program cun las gruppas (organisaziun) per il trenament.

Inauguraziun dil local niev a Vattiz

Muort la crisa da corona ha la cummissiun responsabla decidiu da stuschar l’inauguraziun dil local da pumpiers niev a Vattiz sin la primavera 2021. Il risico da stuer tarmetter in grond diember dils commembers dil corp da pumpiers Lumnezia en quarantena tier in cass da COVID 19 a caschun dalla fiasta, fuss memia gronds. Quei muntass che la segirtadad fuss buca pli garantida duront quei temps. Nus deplorein fetg quella decisiun e sperein da saver festivar ensemen cul pievel lumnezian e culs envidai ina biala fiasta d’inauguraziun la primavera 2021.

Appel a pumpiers malsauns

Nus appelein a tut ils pumpiers che sesentan buca sauns da s’annunziar tier il commando e buca vegnir en acziun tier in eventual seracass.
Quella mesira ei impurtonta per haver ina survesta dil diember che stat a disposiziun e da l’autra vart per saver segidar a frenar la derasaziun dil coronavirus.

Niev autocistiarna (TLF)

Ina delegation dils pumpiers Lumnezia ha visitau ils 07 ed 08 da schaner 2019 las hallas da producziun a Kainbach/Graz ell’Austria. Ina fetg interessanta experienza. Las empremas fotos da nies autocisitiarna.